Ang Oportunidad, Ang Oportunista, At Ang Kumadrona

Kalansing, kalansing

Sa kabilang dingding

‘Di wari ang nangyayari

Sa sariling nabingi

Suklob ng takot at panganib

Anuman ang kahinatnan

Iatras o ituloy man

Saksing langit ang kalaban

Walang salitang mabibitawan

Kimkimin ang galit sa katawan

Dal’hin hanggang huli

Ang sakit na kawili-wili

Kalansing, kalansing

Sa kabilang dingding

Pulang agos ng dagat

‘Di pinansin ang alat

Walang makababatid

Sa damdaming namanhid

‘Pagkat bunga’y pintig

Na unti-unting napatid

Sa oportunistang lumuha

Oportunidad ay nawala

Ba’t ‘di ipakita sa madla

Ang ‘yong tunay na mukha

Excerpts from a play that is still being conceived.